વડોદરા,મોરેશિયસ રહેતા દીકરાને મળવા ગયેલી મહિલાના બંધ મકાનના તાળા તોડીને ચોર ટોળકી દોઢ લાખની મત્તા લઇ ગઇ હતી.જે અંગે માંજલપુર પોલીસે ગુનો દાખલ કરી તપાસ હાથ ધરી છે.
માંજલપુર કલ્યાણબાગ ગ્રાઉન્ડની સામે રૃતુપલ ફ્લેટમાં રહેતા સુખબીરસીંગ મનહાસ બરોડા ક્રિકેડ એસોસિએશનમાં બોલીંગ કોચ તરીકે નોકરી કરે છે.અને તેમના પત્ની મ્યૂઝિક એકેડેમી ચલાવે છે.તેમના સાસુ રૃપાબેન ગુલાટી મકરપુરા કો.ઓ.બેન્કની સામે વંસત વિહાર સોસાયટીમાં રહે છે.ગત તા.૧૮ મી ના રોજ રૃપાબેને તેમના પુત્રને મળવા માટે મોરેશિયસ ગયા હતા.અને મકાનની ચાવી બાજુમાં આપી હતી.ગત તા.૧૨ મી એ સુખબીરસીંગ તથા કામવાળી બાઇ શારદાબેન વસંત વિહાર સોસાયટીના મકાનમાં સફાઇ કામ માટે ગયા હતા.અને સફાઇ કામ કરીને બપોરે અઢી વાગ્યે તેઓ મકાન બંધ કરીને મકાનના મુખ્ય દરવાજાને લોક મારી પરત ગયા હતા.આજે સવારે તે મકાનમાં ચોરી થઇ હોવાની જાણ થતા સુખબીરસીંગે ત્યાં જઇને તપાસ કરી તો મકાનના બેડરૃમમાં સામાન વેરવિખેર હાલતમાં હતો.ચોર ટોળકી ઘરમાંથી સોનાના દાગીના અને રોકડા રૃપિયા પાંચ હજાર મળીને કુલ રૃપિયા ૧.૪૫ લાખની મત્તા ચોરી ગઇ હતી.
https://ift.tt/Y4xe9OB
0 ટિપ્પણીઓ