જાણો અત્યાર સુધીમાં કઈ કઈ અભિનેત્રીઓ ભજવી ચુકી છે ઈન્દિરા ગાંધીનો રોલ

મુંબઈ, તા. 15 જુલાઈ 2022, શનિવાર

- કંગના રનૌત

કંગના રનૌત છેલ્લા કેટલાક સમયથી તેની ફિલ્મ 'ઈમરજન્સી'ની તૈયારીમાં વ્યસ્ત હતી. આ ફિલ્મનો ફર્સ્ટ લૂક સામે આવ્યો છે અને કંગના દેશની પ્રથમ મહિલા વડાપ્રધાન ઈન્દિરા ગાંધીના અવતારમાં જોવા મળી રહી છે. આ ફિલ્મમાં એક્ટિંગ સાથે કંગના પહેલીવાર ડિરેક્ટર તરીકે પણ જોવા મળશે. કંગના રનૌત પહેલા પણ બોલિવૂડની ઘણી અભિનેત્રીઓએ ઈન્દિરા ગાંધીના રોલ માટે પ્રશંસા મેળવી છે. આવો જાણીએ કોણ છે તે અભિનેત્રીઓ

- સુચિત્રા સેન

સુચિત્રા સેન વર્ષ 1975માં સંજીવ કુમારની ફિલ્મ 'આંધી'માં લીડર તરીકે જોવા મળી હતી. તે સમયે તેમની ભૂમિકા ઈન્દિરા ગાંધી સાથે જોડવામાં આવી રહી હતી. 

- સરિતા ચૌધરી

અંગ્રેજી અભિનેત્રી સરિતા ચૌધરીએ સલમાન રશ્દીની નવલકથા મિડનાઈટ ચિલ્ડ્રનમાં ઈન્દિરા ગાંધીની ભૂમિકા પ્રશંસનીય રીતે ભજવી હતી.

- સુપ્રિયા વિનોદ

અભિનેત્રી સુપ્રિયા વિનોદ એકમાત્ર એવી અભિનેત્રી છે જેણે એક નહીં પરંતુ બે વખત પૂર્વ વડાપ્રધાનની ભૂમિકા ભજવી છે. પ્રથમ ફિલ્મ કીર્તિ કુલહારીની ઈન્દુ સરકાર હતી. જ્યારે બીજી મરાઠી ફિલ્મ યશવંતરાવ ચવ્હાણ બખર એક વડાલચી હતી. આ ફિલ્મમાં અભિનેત્રીએ કેમિયો રોલ કર્યો હતો.

- અવંતિકા અકેરકર

વર્ષ 2019માં રિલીઝ થયેલી નવાઝુદ્દીન સિદ્દીકી અને અમૃતા રાવ સ્ટારર ફિલ્મ ઠાકરે શિવસેનાના સ્થાપક બાળ ઠાકરેના જીવન પર આધારિત હતી. આ ફિલ્મમાં અવંતિકા અકેરકર પૂર્વ વડાપ્રધાન ઈન્દિરા ગાંધીના રોલમાં જોવા મળી હતી.

પૂર્વ સીએમ જે જયલલિતાની બાયોપિક થલાઈવી બાદ પૂર્વ વડાપ્રધાન ઈન્દિરા ગાંધી પર બની રહેલી ફિલ્મ ઈમરજન્સીમાં બોલિવૂડ અભિનેત્રી કંગના રનૌત જોવા મળશે. 

- કિશોરી સાહાણે

વડાપ્રધાન નરેન્દ્ર મોદીની બાયોપિક 'પીએમ નરેન્દ્ર મોદી' વર્ષ 2019માં રિલીઝ થઈ હતી. જેમાં ટીવી એક્ટ્રેસ કિશોરી સાહાણેએ ઈન્દિરા ગાંધીનું પાત્ર ભજવ્યું હતું. ઓમંગ કુમાર દ્વારા નિર્દેશિત આ ફિલ્મમાં વિવેક ઓબેરોય, મનોજ જોશી અને બોમન ઈરાની જેવા અનેક કલાકારો મુખ્ય ભૂમિકામાં હતા.

- લારા દત્તા

અક્ષય કુમારની ફિલ્મ 'બેલ બોટમ'માં લારા દત્તાએ ઈન્દિરા ગાંધીની ભૂમિકા ભજવી હતી. લારા દત્તાને તેના લુક પરથી ઓળખવી મુશ્કેલ છે.

https://ift.tt/cZS968K